主页 > W新生活 >秋日进补│刺激、温和热选 滋补火锅 @Dining娜 >

秋日进补│刺激、温和热选 滋补火锅 @Dining娜

(Presented by 不倒翁中日火锅料理)

Photo:Barry

秋天充满凉意又乾燥,如果打边炉都可以滋补、养润身体就好喇!火锅控总係有两类人:一係锺意刺激,一係热爱温和嘅火锅汤底,唔使烦,不倒翁有齐晒刺激、温和嘅选择:成都麻辣田鸡锅、马卡汤底,都係今期两大 滋补火锅 热选推介!前者食落暖胃,后者补而不燥,更可以抗疲劳,都市人最啱。另外,不倒翁係肥牛同活海鲜专家,去到一定要食靓牛、时令罕有海鲜!

刺激麻辣锅 VS 马卡 滋补火锅

不倒翁嘅成都麻辣田鸡锅做法正宗,用上多种辣椒、香料包括辣椒、花椒、乾辣椒、红椒、京葱、蒜头等,仲有四川麻辣秘方炮製,辛香麻辣风味俱备,刺激之余,亦有驱寒祛湿功效,可以将夏天积埋嘅湿气同经常出入冷气间嘅寒气驱除,个人舒服晒。先饮汤即刻令人醒胃、食慾提升,然后先慢慢歎火锅。

秋日进补│刺激、温和热选 滋补火锅 @Dining娜
成都麻辣田鸡锅(可改配鸡件) 糅合辣椒、花椒、乾辣椒、红椒等炮製,充满具层次感嘅四川麻辣香,推介配搭嫩滑嘅田鸡食用。

我Dining娜都好似一般都市人同打工族咁周身「都市病」:容易攰、瞓得唔好或失眠、压力大……近年兴起食有「秘鲁人参」之称嘅马卡,而不倒翁都有 滋补火锅 马卡汤底,师傅用秘鲁马卡熬成汤底,味道朴实同有种清淡甜味。马卡汤滋补温和,对于提升睡眠质素、抵抗疲劳、纾缓压力好有效,边食火锅,再配埋马卡茶饮用,係升级嘅健康养生食法。

秋日进补│刺激、温和热选 滋补火锅 @Dining娜
马卡汤底(可选文昌鸡或猪骨) 精选秘鲁马卡,加入党参、圆肉、杞子等熬煮,补而不燥,都市人饮用有对抗疲劳、恢复体力嘅功效。

靓肥牛专家

根据非正式统计,香港九成火锅控打边炉都必点肥牛,识食嘅梗係食不倒翁嘅牛脊位啦,油花细緻均匀唔再讲,灼后依然爽嫩、牛味丰富,就最令嗜牛族满足。靓肥牛配浓味嘅麻辣锅可以尽吸惹味精华;配清淡嘅马卡汤底则能够提鲜,係必食嘅火锅百搭配料。

秋日进补│刺激、温和热选 滋补火锅 @Dining娜
不倒翁金牌手切肥牛(脊位) 店主最推介嘅肥牛部位係脊位,因为油花细緻均匀,灼后爽嫩甘香,牛味丰富。

犀利!全年食到罕有时令海鲜

唔少火锅店嘅海鲜供应经常受时令影响,但不倒翁从来都无呢个担忧,皆因店主洪哥同多间活海鲜供应商熟稔,多种稀有海产如花英斑、红瓜子斑等都可以预留畀他,所以一年四季都能食到又靓又特别嘅海鲜。加上即叫即劏,无论做刺身或火锅配料一样顶级鲜甜!

秋日进补│刺激、温和热选 滋补火锅 @Dining娜
海鲜拼盘 当造嘅海杉斑、蛏子、加拿大顶级象拔蚌嘅海鲜即叫即劏,鲜甜度同雪藏货无得比,海鲜迷最爱!
秋日进补│刺激、温和热选 滋补火锅 @Dining娜
澳洲龙虾 买手一般会选3斤重份量,贪佢啖啖肉之余,肉质弹牙鲜甜,刺身或火锅品尝都好,亦可以一碟两食。
秋日进补│刺激、温和热选 滋补火锅 @Dining娜
不倒翁自设鱼缸,好处係游水海鲜能够keep住最新鲜状态,柯打时即劏。

镬气小炒、清酒选择多

不倒翁又点止打边炉,秋风起最想食香口嘢,呢度嘅镬气小炒都好有水準,可以转转口味试下,炒杂菌、椒盐鳝球、避风塘茄子都係人气小炒,镬气足,香口惹味,佐酒更是一流!店内亦有多款清酒、红白酒选择,配火锅或下酒菜都好夹~

秋日进补│刺激、温和热选 滋补火锅 @Dining娜
炒杂菌 秋日菇菌最当造,将灵芝菇、鸡油菌、冬菇、秀珍菇简单以辣椒、豉油炒香,微辣惹味,相当开胃!
秋日进补│刺激、温和热选 滋补火锅 @Dining娜
清酒、红白酒选择都几多,边饮酒边歎火锅最过瘾。

烚时精选

‧ 养生潮流:自马卡成为潮流养生食品,不倒翁随即研製推出马卡汤底,带领健康热潮。

‧ 罕有活鱼:由于店主喺业界人脉广,全年无休可以攞到多款罕有游水生猛海鲜。

‧ 靓牛专家:备有多款火锅靓牛,包括牛脊位、边位、牛脷托、肥牛粒等选择。

不倒翁中日火锅料理

尖沙咀店:弥敦道63号iSquare国际广场23楼(2152 1166)

佐敦店:佐敦道23-29号新宝广场2楼(3526 0918)

铜锣湾店:勿地臣街1号时代广场食通天11楼1101号舖(3102 9363)

备注:设加一,收现金及信用卡。